த்⁴யானம்
உமாகாந்தே ரமாகாந்தே ஏஷாமாஸீ-ன்மதிஸ்ஸமா ।
நமாமி தீ³க்ஷிதேந்த்³ராம் ஸ்தான் நயஷட்க-விஶாரதா³ம் ॥
வேதோ⁴ஹரீஶ்வர ஸ்துத்யாம் விஹர்த்ரீம் விந்த்⁴ய பூ⁴த⁴ரே ।
ஹர ப்ராணேஶ்வரீம் வந்தே³ ஹந்த்ரீம் விபு³த⁴ வித்³விஷாம் ॥ 1 ॥
அப்⁴யர்த²னேன ஸரஸீருஹ ஸம்ப⁴வஸ்ய
த்யக்த்வோதி³தா ப⁴க³வத³க்ஷி பிதா⁴னலீலாம் ।
விஶ்வேஶ்வரீ விபத³பாகமனே புரஸ்தாத்
மாதா மமாஸ்து மது⁴கைடப⁴யோர் நிஹந்த்ரீ ॥ 2 ॥
ப்ராங்னிர்ஜரேஷு நிஹதைர் நிஜஶக்திலேஶை:
ஏகீப⁴வத்³பி⁴ருதி³தாகி²ல லோககு³ப்த்யை ।
ஸம்பன்ன ஶஸ்த்ர நிகரா ச ததா³யுத⁴ஸ்தை²:
மாதா மமாஸ்து மஹிஷாந்தகரீ புரஸ்தாத் ॥ 3 ॥
ப்ராலேய ஶைலதனயா தனுகாந்தி ஸம்பத்
கோஶோதி³தா குவலயச்ச² விசாரு தே³ஹா ।
நாராயணீ நமத³பீ⁴ப்ஸித கல்பவல்லீ
ஸுப்ரீதிமாவஹது ஶும்ப⁴ நிஶும்ப⁴ ஹந்த்ரீ ॥ 4 ॥
விஶ்வேஶ்வரீதி மஹிஷாந்தகரீதி யஸ்யா:
நாராயணீத்யபி ச நாமபி⁴ரங்கிதானி ।
ஸூக்தானி பங்கஜபு⁴வா ச ஸுரர்ஷிபி⁴ஶ்ச
த்³ருஷ்டானி பாவகமுகை²ஶ்ச ஶிவாம் பஜே⁴தாம் ॥ 5 ॥
உத்பத்திதை³த்ய ஹநந ஸ்தவனாத்மகானி
ஸம்ரக்ஷகாண்யகி²லபூ⁴த ஹிதாய யஸ்யா: ।
ஸூக்தான்யஶேஷ நக³மாந்தவித:³ பட²ந்தி
தாம் விஶ்வமாதரமஜஸ்ரமபி⁴ஷ்டவீமி ॥ 6 ॥
யே வைப்ரசித்த புனருத்தி²த ஶும்ப⁴ முக்²யை:
து³ர்பி⁴க்ஷ கோ⁴ர ஸமயேன ச காரிதாஸு ।
ஆவிஷ்க்ருதாஸ் த்ரிஜக³தா³ர் திஷு ரூபபே⁴தா³:
தைரம்பி³கா ஸமபி⁴ரக்ஷது மாம் விபத்³ப்⁴ய: ॥ 7 ॥
ஸூக்தம் யதீ³யமரவிந்த³ ப⁴வாதி³ த்³ருஷ்டம்
ஆவர்த்ய தே³வ்யனுபத³ம் ஸுரத:² ஸமாதி⁴: ।
த்³வாவப்யவாபதுர பீ⁴ஷ்டமனந்யலப்⁴யம்
தாமாதி³ தே³வ தருணீம் ப்ரணமாமி தேவீம்8 ॥
மாஹிஷ்மதீதனுப⁴வம் ச ருரும் ச ஹந்தும்
ஆவிஷ்க்ருதைர் நிஜரஸாத³வதாரபே⁴தை³: ।
அஷ்டாத³ஶாஹத நவாஹத கோடிஸங்க்³யை:
அம்பா³ ஸதா³ ஸமபி⁴ரக்ஷது மாம் விபத்³ப்⁴ய: ॥ 9 ॥
ஏதச்சரித்ரமகி²லம் லிகி²தம் ஹி யஸ்யா:
ஸம்பூஜிதம் ஸத³ன ஏவ நிவேஶிதம் வா ।
து³ர்க³ம் ச தாரயதி து³ஸ்தரமப்யஶேஷம்
ஶ்ரேய: ப்ரயச்ச²தி ச ஸர்வமுமாம் பஜே⁴தாம் ॥ 1௦ ॥
யத்பூஜன ஸ்துதி நமஸ்க்ருதிபி⁴ர்ப⁴வந்தி
ப்ரீதா: பிதாமஹ ரமேஶ ஹராஸ் த்ரயோபி ।
தேஷாமபி ஸ்வககு³ணைர்த³த³தீ வபூம்ஷி
தாமீஶ்வரஸ்ய தருணீம் ஶரணம் ப்ரபத்³யே ॥ 11 ॥
காந்தாரமத்⁴ய த்³ருட⁴லக்³னதயா வஸன்னா:
மக்³னாஶ்ச வாரிதி⁴ஜலே ரிபுபி⁴ஶ்ச ருத்³தா⁴: ।
யஸ்யா: ப்ரபத்³ய சரணௌ விபத³ஸ்தரந்தி
ஸா மே ஸதா³ஸ்து ஹ்ருதி³ ஸர்வஜக³த்ஸவித்ரீ ॥ 12 ॥
ப³ந்தே⁴ வதே⁴ மஹதி ம்ருத்யுப⁴யே ப்ரஸக்தே
வித்தக்ஷயே ச விவிதே⁴ ய மஹோபதாபே ।
யத் பாத³ பூஜனமிஹ ப்ரதிகாரமாஹு:
ஸா மே ஸமஸ்தஜனநீ ஶரணம் ப⁴வானீ ॥ 13 ॥
பா³ணாஸுர ப்ரஹித பன்னக³ப³ந்த⁴ மோக்ஷ:
தத்³ பா³ஹு த³ர்பத³லனாது³ஷயா ச யோக:³ ।
ப்ராத்³யும்னினா த்³ருதமலப்⁴யத யத்ப்ரஸாதா³த்
ஸா மே ஶிவா ஸகலமப்யஶுப⁴ம் க்ஷிணோது ॥ 14 ॥
பாப: புலஸ்த்யதனய: புனருத்தி²தோ மாம்
அத்³யாபி ஹர்துமயமாக³த இத்யுதீ³தம் ।
யத்ஸேவனேன ப⁴யமிந்தி³ரயாவதூ⁴தம்
தாமாதி³தே³வதருணீம் ஶரணம் க³தோஸ்மி ॥ 15 ॥
யத்³த்⁴யானஜம் ஸுக²மவாப்யமனந்தபுண்யை:
ஸாக்ஷாத்தமச்யுத பரிக்³ரஹமாஶ்வவாபு: ।
கோ³பாங்க³னா: கில யத³ர்சன புண்யமாத்ராத்
ஸா மே ஸதா³ ப⁴க³வதீ ப⁴வது ப்ரஸன்னா ॥ 16 ॥
ராத்ரிம் ப்ரபத்³ய இதி மந்த்ரவித:³ ப்ரபன்னான்
உத்³போ³த்⁴ய ம்ருத்யுவதி⁴மன்யப²லை: ப்ரலோப்⁴ய ।
பு³த்³த்⁴வா ச தத்³விமுக²தாம் ப்ரதனம் நயந்தீம்
ஆகாஶமாதி³ ஜனநீம் ஜக³தாம் பஜே⁴தாம் ॥ 17 ॥
தே³ஶகாலேஷு து³ஷ்டேஷு து³ர்கா³சந்த்³ரகலாஸ்துதி: ।
ஸந்த்⁴யயோரனுஸந்தே⁴யா ஸர்வாபத்³வினிவ்ருத்தயே ॥ 18 ॥
இதி ஶ்ரீமத³பய்யதீ³க்ஷித விரசிதா து³ர்கா³சந்த்³ரகலா ஸ்துதி: ॥
ध्यानम्
उमाकान्ते रमाकान्ते एषामासी-न्मतिस्समा ।
नमामि दीक्षितेन्द्रां स्तान् नयषट्क-विशारदाम् ॥
वेधोहरीश्वरस्तुत्यां विहर्त्रीं विन्ध्यभूधरे ।
हरप्रा णेश्वरीं वन्दे हन्त्रीं विबुध विद्विषाम् ॥ 1 ॥
अभ्यर्थनेन सरसीरुह सम्भवस्य
त्यक्त्वोदिता भगवदक्षि पिधानलीलाम् ।
विश्वेश्वरी विपदपाकमने पुरस्तात्
माता ममास्तु मधुकैटभयोर्निहन्त्री ॥ 2 ॥
प्राङ्निर्जरेषु निहतैर्निजशक्तिलेशैः
एकीभवद्भिरुदिताऽखिल लोकगुप्त्यै ।
सम्पन्न शस्त्र निकरा च तदायुधस्थैः
माता ममास्तु महिषान्तकरी पुरस्तात् ॥ 3 ॥
प्रालेयशैल तनया तनुकान्ति सम्पत्
कोशोदिता कुवलयच्छ विचारुदेहा ।
नारायणी नमद भीप्सित कल्पवल्ली
सुप्रीतिमावहतु शुम्भ निशुम्भ हन्त्री ॥ 4 ॥
विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि ।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम् ॥ 5 ॥
उत्पत्तिदैत्यहननस्तवनात्मकानि
संरक्षकाण्यखिल भूत हिताय यस्याः ।
सूक्तान्यशेष निगमान्त विदः पठन्ति
तां विश्वमातरमजस्रमभिष्टवीमि ॥ 6 ॥
ये वैप्रचित्त पुनरुत्थित शुम्भ मुख्यैः
दुर्भिक्ष घोर समयेन च कारितासु ।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः ॥ 7 ॥
सूक्तं यदीयमरविन्द भवादि दृष्टं
आवर्त्य देव्यनुपदं सुरथः समाधिः ।
द्वावप्यवापतुर भीष्टमनन्यलभ्यं
तामादि देव तरुणीं प्रणमामि देवीम्॥ 8 ॥
माहिष्मतीतनुभवं च रुरुं च हन्तुं
आविष्कृतैर्निज रसादवतार भेदैः ।
अष्टादशा हत नवा हत कोटि सङ्ख्यैः
अम्बा सदा समभिरक्षतु मां विपद्भ्यः ॥ 9 ॥
एतच्चरित्रमखिलं लिखितं हि यस्याः
सम्पूजितं सदन एव निवेशितं वा ।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम् ॥ 10 ॥
यत्पूजन स्तुति नमस्कृतिभिर्भवन्ति
प्रीताः पितामह रमेश हरास्त्रयोऽपि ।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये ॥ 11 ॥
कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः ।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री ॥ 12 ॥
बन्धे वधे महति मृत्युभये प्रसक्ते
वित्तक्षये च विविधे य महोपतापे ।
यत्पादपूजनमिह प्रतिकारमाहुः
सा मे समस्तजननी शरणं भवानी ॥ 13 ॥
बाणासुर प्रहित पन्नग बन्ध मोक्षः
तद्बाहुदर्पदलनादुषया च योगः ।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु ॥ 14 ॥
पापः पुलस्त्य तनयः पुनरुत्थितो मां
अद्यापि हर्तुमयमागत इत्युदीतम् ।
यत्सेवनेन भयमिन्दिरयाऽवधूतं
तामादि देव तरुणीं शरणं गतोऽस्मि ॥ 15 ॥
यद्ध्यानजं सुखमवाप्यमनन्तपुण्यैः
साक्षात्तमच्युत परिग्रहमाश्ववापुः ।
गोपाङ्गनाः किल यदर्चन पुण्य मात्रात्
सा मे सदा भगवती भवतु प्रसन्ना ॥ 16 ॥
रात्रिं प्रपद्य इति मन्त्रविदः प्रपन्नान्
उद्बोध्य मृत्युवधिमन्यफलैः प्रलोभ्य ।
बुद्ध्वा च तद्विमुखतां प्रतनं नयन्तीं
आकाशमादिजननीं जगतां भजे ताम् ॥ 17 ॥
देशकालेषु दुष्टेषु दुर्गाचन्द्रकलास्तुतिः ।
सन्ध्ययोरनुसन्धेया सर्वापद्विनिवृत्तये ॥ 18 ॥
इति श्रीमदपय्यदीक्षितविरचिता दुर्गाचन्द्रकलास्तुतिः ॥
dhyānam
umākāntē ramākāntē ēṣāmāsī-nmatissamā ।
namāmi dīkṣitēndrāṃ stān nayaṣaṭka-viśāradām ॥
vēdhōharīśvarastutyāṃ vihartrīṃ vindhyabhūdharē ।
haraprāṇēśvarīṃ vandē hantrīṃ vibudhavidviṣām ॥ 1 ॥
abhyarthanēna sarasīruha sambhavasya
tyaktvōditā bhagavadakśi pidhānalīlām ।
viśvēśvarī vipadapāgamaṇē purastāt
mātā mamāstu madhu kaiṭabhayōr nihantrī ॥ 2 ॥
prāṅnirjarēṣu nihatair nijaśaktilēśaiḥ:
ēkībhavadbhiruditā'khila lōkaguptyai ।
sampanna śastra nikarā cha tadāyudhasthai:
mātā mamāstu mahiṣāntakarī purastāt ॥ 3 ॥
prālēya śaila tanayā tanu kānti sampat
kōśōditā kuvalayachCha vichārudēhā ।
nārāyaṇī namada bhīpsita kalpavallī
suprītimāvahatu śumbha niśumbha hantrī ॥ 4 ॥
viśvēśvarīti mahiṣāntakarīti yasyāḥ
nārāyaṇītyapi cha nāmabhiraṅkitāni ।
sūktāni paṅkajabhuvā cha surarṣibhiścha
dṛṣṭāni pāvakamukhaiścha śivāṃ bhajē tām ॥ 5 ॥
Utpatti Daitya hanana stavanātmakāni
saṃrakṣakāṇyakhilabhūta hitāya yasyāḥa ।
sūktānyaśēṣa nigamānta vidaḥ paṭanti
tāṃ viśvamātaram ajasram abhiṣṭavīmi ॥ 6 ॥
yē vaiprachitta punarutthita śumbha mukhyaiḥ
durbhikṣa ghōra samayēna cha kāritāsu ।
āviṣkṛtā strijagadār tiṣu rūpabhēdāḥa
tairambikā samabhirakṣatu māṃ vipadbhyaḥ ॥ 7 ॥
sūktaṃ yadīyamaravindabhavādi dṛṣṭaṃ
āvartya dēvyanupadaṃ surathaḥ samādhiḥ ।
dvāvapyavāpatura bhīṣṭam ananyalabhyaṃ
tāmādidēvataruṇīṃ praṇamāmi deveem ॥ 8 ॥
māhiṣmatī tanubhavaṃ cha ruruṃ cha hantuṃ
āviṣkṛtai rnija rasād avatāra bhēdaiḥi ।
aṣṭādaśā hata navā hata kōṭi saṅkhyaiḥi
ambā sadā samabhirakṣatu māṃ vipadbhyaḥ ॥ 9 ॥
ētachcharitramakhilaṃ likhitaṃ hi yasyāḥa
sampūjitaṃ sadana ēva nivēśitaṃ vā ।
durgaṃ cha tārayati dustaramapyaśēṣaṃ
śrēyaḥ prayachChati cha sarvamumāṃ bhajē tām ॥ 10 ॥
yatpūjana stuti namaskṛtibhirbhavanti
prītāḥ pitāmaha ramēśa harās trayō'pi ।
tēṣāmapi svakaguṇair dadatī vapūṃṣi
tāmīśvarasya taruṇīṃ śaraṇaṃ prapadyē ॥ 11 ॥
kāntāramadhyadṛḍhalagnatayā'vasannāḥa
magnāścha vāridhijalē ripubhiścha ruddhāḥa ।
yasyāḥ prapadya charaṇau vipadastaranti
sā mē sadā'stu hṛdi sarvajagatsavitrī ॥ 12 ॥
bandhē vadhē mahati mṛtyubhayē prasaktē
vittakṣayē cha vividhē ya mahōpatāpē ।
yatpādapūjanamiha pratikāramāhuḥ
sā mē samastajananī śaraṇaṃ bhavānī ॥ 13 ॥
bāṇāsura prahita pannaga bandha mōkṣaḥ
tadbāhu darpad alanād uṣayā cha yōgaḥ ।
prādyumninā drutamalabhyata yatprasādāt
sā mē śivā sakalamapya śubhaṃ kṣiṇōtu ॥ 14 ॥
pāpaḥ pulastyatanayaḥ punarutthitō māṃ
adyāpi hartumayamāgata ityudītam ।
yat sēvanēna bhayam indirayā'vadhūtaṃ
tāmādi dēva taruṇīṃ śaraṇaṃ gatō'smi ॥ 15 ॥
yad dhyānajaṃ sukham avāpyam anantapuṇyaiḥi
sākṣāt tam achyuta parigrah amāśva vāpuḥu ।
gōpāṅganāḥ kila yad archana puṇya mātrāth
sā mē sadā bhagavatī bhavatu prasannā ॥ 16 ॥
rātriṃ prapadya iti mantravidaḥ prapannān
udbōdhya mṛtyuvadhim anya phalaiḥ pralōbhya ।
buddhvā cha tadvimukhatāṃ pratanaṃ nayantīṃ
ākāśamādijananīṃ jagatāṃ bhajē tām ॥ 17 ॥
dēśakālēṣu duṣṭēṣu durgāchandrakalāstutiḥ ।
sandhyayōr anusandhēyā sarvāpadvinivṛttayē ॥ 18 ॥
iti śrīmadapayyadīkṣitavirachitā durgāchandrakaḻāstutiḥ ॥